भीष्म उवाच:
समागतस्य रामेण पुनरेवातिदारुणम् |
१ क
भीष्म उवाच:
अन्येद्युस्तुमुलं युद्धं तदा भरतसत्तम ||
१ ख
भीष्म उवाच:
ततो दिव्यास्त्रविच्छूरो दिव्यान्यस्त्राण्यनेकशः |
२ क
भीष्म उवाच:
अय़ोजय़त धर्मात्मा दिवसे दिवसे विभुः ||
२ ख
भीष्म उवाच:
तान्यहं तत्प्रतीघातैरस्त्रैरस्त्राणि भारत |
३ क
भीष्म उवाच:
व्यधमं तुमुले युद्धे प्राणांस्त्यक्त्वा सुदुस्त्यजान् ||
३ ख
भीष्म उवाच:
अस्त्रैरस्त्रेषु वहुधा हतेष्वथ च भार्गवः |
४ क
भीष्म उवाच:
अक्रुध्यत महातेजास्त्यक्तप्राणः स संय़ुगे ||
४ ख
भीष्म उवाच:
ततः शक्तिं प्राहिणोद्घोररूपा; मस्त्रै रुद्धो जामदग्न्यो महात्मा |
५ क
भीष्म उवाच:
कालोत्सृष्टां प्रज्वलितामिवोल्कां; सन्दीप्ताग्रां तेजसावृत्य लोकान् ||
५ ख
भीष्म उवाच:
ततोऽहं तामिषुभिर्दीप्यमानैः; समाय़ान्तीमन्तकालार्कदीप्ताम् |
६ क
भीष्म उवाच:
छित्त्वा त्रिधा पातय़ामास भूमौ; ततो ववौ पवनः पुण्यगन्धिः ||
६ ख
भीष्म उवाच:
तस्यां छिन्नाय़ां क्रोधदीप्तोऽथ रामः; शक्तीर्घोराः प्राहिणोद्द्वादशान्याः |
७ क
भीष्म उवाच:
तासां रूपं भारत नोत शक्यं; तेजस्वित्वाल्लाघवाच्चैव वक्तुम् ||
७ ख
भीष्म उवाच:
किं त्वेवाहं विह्वलः सम्प्रदृश्य; दिग्भ्यः सर्वास्ता महोल्का इवाग्नेः |
८ क
भीष्म उवाच:
नानारूपास्तेजसोग्रेण दीप्ता; यथादित्या द्वादश लोकसङ्क्षय़े ||
८ ख
भीष्म उवाच:
ततो जालं वाणमय़ं विवृत्य; सन्दृश्य भित्त्वा शरजालेन राजन् |
९ क
भीष्म उवाच:
द्वादशेषून्प्राहिणवं रणेऽहं; ततः शक्तीर्व्यधमं घोररूपाः ||
९ ख
भीष्म उवाच:
ततोऽपरा जामदग्न्यो महात्मा; शक्तीर्घोराः प्राक्षिपद्धेमदण्डाः |
१० क
भीष्म उवाच:
विचित्रिताः काञ्चनपट्टनद्धा; यथा महोल्का ज्वलितास्तथा ताः ||
१० ख
भीष्म उवाच:
ताश्चाप्युग्राश्चर्मणा वारय़ित्वा; खड्गेनाजौ पातिता मे नरेन्द्र |
११ क
भीष्म उवाच:
वाणैर्दिव्यैर्जामदग्न्यस्य सङ्ख्ये; दिव्यांश्चाश्वानभ्यवर्षं ससूतान् ||
११ ख
भीष्म उवाच:
निर्मुक्तानां पन्नगानां सरूपा; दृष्ट्वा शक्तीर्हेमचित्रा निकृत्ताः |
१२ क
भीष्म उवाच:
प्रादुश्चक्रे दिव्यमस्त्रं महात्मा; क्रोधाविष्टो हैहय़ेशप्रमाथी ||
१२ ख
भीष्म उवाच:
ततः श्रेण्यः शलभानामिवोग्राः; समापेतुर्विशिखानां प्रदीप्ताः |
१३ क
भीष्म उवाच:
समाचिनोच्चापि भृशं शरीरं; हय़ान्सूतं सरथं चैव मह्यम् ||
१३ ख
भीष्म उवाच:
रथः शरैर्मे निचितः सर्वतोऽभू; त्तथा हय़ाः सारथिश्चैव राजन् |
१४ क
भीष्म उवाच:
युगं रथेषा च तथैव चक्रे; तथैवाक्षः शरकृत्तोऽथ भग्नः ||
१४ ख
भीष्म उवाच:
ततस्तस्मिन्वाणवर्षे व्यतीते; शरौघेण प्रत्यवर्षं गुरुं तम् |
१५ क
भीष्म उवाच:
स विक्षतो मार्गणैर्व्रह्मराशि; र्देहादजस्रं मुमुचे भूरि रक्तम् ||
१५ ख
भीष्म उवाच:
यथा रामो वाणजालाभितप्त; स्तथैवाहं सुभृशं गाढविद्धः |
१६ क
भीष्म उवाच:
ततो युद्धं व्यरमच्चापराह्णे; भानावस्तं प्रार्थय़ाने महीध्रम् ||
१६ ख